Dzejis dīnu nūskaņuos kūpā ar dzejneicom Dagniju Dudarjonoku un Ligiju Purinašu raugom rakstēt dzeju. Kū tu sadzejuotu nu četrim vuordim? 
 

 

Nūsiede batereja
Nu ir vokors iz azara
A moš reits pi upis
Vanna teiruma molā
I atkrytumu čupa zam kuoju
Kas par tū? Kas par tū? 
Reiz nu jauna mūssimēs
Ar pīluodeitom baterejom
Gaideisim reitus i vokorus
/Dagnija Dudarjonoka/


Jyutys kai kosmoss
Holivuda pylna vysaidu zvaigžu
I tu nu atvaļinuojuma
Atvessi vasalu pasauli
Jaunys bikšelis
Saspīsts gaiss
Vyss, kas paliks puori
Deļ mums obim
/Ligija Purinaša/


Kod rudiņs kluot
I dzejis dīnys pylnā grīzumā
Mes treis prīdis stuodom radejis studejā
I malnu kači tymā dīnā kliepī šyupojam
/Anna Elīza Drele/
 

Iz mopeda voi brīža tu
Leidz Latgolai tu aizjuotu
Pīci breinumi pa radivu te skaņ
Pīci čiuļi brauc iz teni
/Edgars Provejs/