Popularizejūt latgalīšu rokstu volūdu jau catūrtū reizi nūteik pasauļa diktats latgalīšu rokstu volūdā. Tymā itūgod četri anekdoti, kū diktej Latvejis Instagram personeiba, pasuokumu vadeituojs i vīnkuoršais latgalīts Lauris Zalāns.
Diktatu vari nūsaklausēt ituos nedeļis raidejumā voi te - ej.uz/DiktatsLTG2020 - bet pīraksteitū tekstu puorbaudēt ite:
Muote grib vuoreit studzini i syuta dālu nūskrīt da mīsnīka pasavērt, voi ir cyuku kuojenis. Dāls atskrīn i soka: “Mam, es naredzieju, jam zuoboki beja kuojuos!”
Muote līk gulēt sovu mozū dālu. Dzīd jam mīga dzīsmeņu jau ūtrū stuņdi, bārns kai naguļ, tai naguļ. Beiguos juos dieleņš naiztur i soka: “Mam, tu cīši šmukai dzīdi, bet es grybu gulēt!”
Andris soka sovam draugam Juram: “Dzierdieji, školuotuoja veseleibys stuņdē stuosteja, ka školānim ir juoguļ ostonis stuņdis.” Draugs atsoka: “Kai mes varim gulēt ostonis stuņdis, ka stuņžu sarokstā ir tikai septenis?”
Muote vaicoj dālam: “Kuknē iz golda stuovēja diveji torta goboli. Deļkuo niule ir tikai vīns? Tu maņ vari paskaidruot?” “Varu! Tī beja tymss, i es tuo ūtruo gobola naredzieju,” atsoka dāls.
Teksts sastateits, īvārojūt Vaļsts volūdys centra 2007. godā apstyprynuotūs Latgalīšu raksteibys nūsacejumus, kuri daeinami ite - likumi.lv.
Diktatā pīļaunama divskaņa “uo” apzeimuošona ari ar “ō”.
Ieteikt
Latvijas Radio aicina izteikt savu viedokli par raidījumā dzirdēto un atbalsta diskusijas klausītāju starpā, tomēr patur tiesības dzēst komentārus, kas pārkāpj cieņpilnas attieksmes un ētiskas rīcības robežas.
Komentāri (1)
Ar Dabas Mātes viedumu, Skolnieciņš no Pokaiņu meža [Latvju Dievu dēls]
©Skolnieciņš 1999-bezgalība ;-)
#Lāčplēsis #LāčplēšaDiena #latviskums #brīvība #Latvija #LatvjuDievi #Pērkons #Laima #Māra #DabasMāte #VeļuMāte #MežaMāte
Pievienot komentāru
Pievienot atbildi
Lai komentētu, ienāc arī ar savu draugiem.lv, Facebook vai X profilu!
Draugiem.lv Facebook X